Section 121

121. (1) Bothati jo bo rwalang maikarabelo jo bo rebotseng laesense, ka kitsiso go moabelwalaesense, bo ka phimola laesense—

(a) fa moabelwalaesense a dirile kopo ya phimolo ya laesense;

(b) mo mabakeng mangwe le mangwe ao bo ka emisang laesense, jaaka go 10 tlhalositswe mo karolong 120(1)(b) go fitlha go (g); kgotsa

(c) fa moabelwalaesense a khutlisitse go dira kgwebo e e abetsweng laesense.

(2) Bothati jo bo rwalang maikarabelo bo ka gana go phimola laesense go ya ka karolotlaleletso (1)(a) fa phimolo—

(a) e ka se nne mo kgatlhegong ya barekedi ba ditshelete; kgotsa 15

(b) e tla dira gore maikaelelo a molao wa lephata la ditshelete a a diragatswang mo laesenseng a tsielege.

(3) Phimolo ya laesense e tsenngwa mo tirisong ka letlha la kitsiso go ya ka karolotlaleletso (1) kgotsa, fa letlha le le kwa morago le tsepamisitswe mo kitsisong, letlha le le kwa morago. 20

## Go tswela pele ga tiro e e abetsweng laesense go sa kgathalasege tshekego kgotsa phediso ya laesense