Section 147: Taelo ya molaodi e tshwanetse go tsepamisa paka e e amogelelsegang ya go ikamanya, fa go kgonega.

147. Taelo ya molaodi e tshwanetse go tsepamisa paka e e amogelelsegang ya go ikamanya, fa go kgonega.

Kgogelomorago ya ditaelo

148. Molaodi wa lephata la ditshelete o ka, ka nako nngwe le nngwe, phimola taelo e a e rebotseng ka kitsiso e e kwetsweng go motho yo o neng a e reboletswe.

Boikomanyo le ditaelo

149. (1) Setheo sa ditshelete, motho yo o botlhokwa, moemedi kgotsa mokonteraka yo o reboletsweng taelo go ya ka Karolo eno o tshwanetse go ikamanya le taelo.

(2) Kgotlatshekelokgolo e ka, ka kopo ya moamegi mo konterakenga le setheo sa ditshelete, ntle le setheo sa ditshelete, dira taelo e e amanang le ditlamorago tsa taelo go ya ka Karolo eno mo konterakeng.

(3) (a) Go sa lekanyetswe se taelo e ka se dirang, taelo e ka lopa setheo sa ditshelete go—

(i) dira ditlamego tsa sona ka fa tlase ga konteraka; kgotsa

(ii) duela modirakopo, jaaka go tsepamisitswe mo taelong.

(b) Taelo go ya temana (a) e ka se lope motho go tsaya kgato e tla tlolang taelo ya molaodi wa lephata la ditshelete.

Tiragatso le tlhaloso