Section 188

188. (1) Tona o tshwanetse go thapa Ombud yo Mogolo e bile motho yo o thapilweng jalo o tshwanetse go dumela, ka go kwala, ka ga—

(a) ditekanyetsotiro tse di tshwanetseng go diriswa go lekanyetsa tiro ya motho yo o umakilweng; le

(b) boemo jwa tiro jo bo tshwanetseng go fitlhelelwa kgatlhanong le ditekanyetso tseo.

(2) Go tsamaelana le Molao ono, Ombud yo Mogolo o dira go ya ka dipeelo le mabaka, go akaretsa le dipeelo le mabaka tse di amanang le mogolo, phenšene, khunologo le dikunomolemo tse dingwe, tse di tlhomamisitsweng ke Boto le go tsepamiswa mo konterakeng ya tiro magareng ga Ombud yo Mogolo le Khansele ya Ombud.

(3) Ombud yo Mogolo wa Khansele ya Ombud—

(a) o rwala maikarabelo a bolaodi le tsamaiso tsa letsatsi le letsatsi tsa Khansele ya Bolaodi ya Ombud; le

(b) o tshwanetse go dira ditiro tsa Khansele ya Ombud, ntle le tse di kailweng mo karolong 184(b) le (c), go akaretsa le go diragatsa dithata le go dira ditiro tse di amanang le ditiro tseo.

(4) (a) Ombud yo mogolo o tshwanetse go bitsa kopano le go okamela dikopano tsa ombuds kgapetsakgapetsa, mme fela bonnye makgetlo a le mane ka ngwaga, go sekaseka tsamaiso e e nonofileng ya dithulaganyo tsa ombuds.

(b) Ombud yo Mogolo, kgotsa, fa Ombud yo Mogolo a se teng, motho yo o thapilweng ke Ombud yo Mogolo, o okamela dikopano tsa ombuds.

(c) Fa boombuds ba bararo ba kwalela Ombud yo Mogolo go mo kopa go bitsa kopano ya Khansele ya Ombud, kopano ya boombuds e tshwanetse go tshwarwa.

(5) Fa a dira go ya ka karolotlaleletso (3), Ombud yo Mogolo o tshwanetse go tsenya dipholisi le maano tse di amogetsweng ke Boto mo tirsong.

Ditiro tsa maloko a Boto