Section 198

198. (1) Khansele ya Ombud e ka, ka kitsiso go sekema sa ombud se se amogetsweng sa bodirelo, sekega go amogelwa ga sekema sa ombud sa bodirelo fa—

(a) sekema sa ombud sa bodirelo se dira kopo ya kemiso;

(b) lebaka la kamogelo le tlotswe kgotsa le sa obamelwa ka mokgwa o o 10 tseneltseng;

(c) sekema sa ombud sa bodirelo, ombuds wa sekema sa ombud sa bodirelo kgotsa palo e e bonalang ya ditheo tsa ditshelete tse e leng maloko a sekema sa ombud sa bodirelo a tlotse ka tsenelelo e kgolo melawana ya go busa ya sekema sa ombud sa bodirelo kgotsa kabelo ya molao wa lephata la ditshelete, 15 kgotsa melawana ya Khansele ya Ombud, e e amanang le ombuds;

(d) tshedimosetso e tlametsweng mo, kgotsa mabapi le, kopo mabapi le Khansele ya Ombud mabapi le sekema sa ombud sa bodirelo e ne e fosagetse kgotsa e timetsa, go akaretsa le ka tlogelo, ka tsenelelo e kgolo;

(e) sekema sa ombud sa bodirelo se sa ikamanye le tlhokego ya Molao ono; 20

(f) tshekego e botlhokwa go thibela—

(i) tlolo e e masisi ya molao wa lephata la ditshelete; kgotsa

(ii) barekedi ba ditshelete ba baabelwadilaesense gore ba se gobeelwe ka tsenelelo e kgolo; kgotsa

(g) tuelo, lekgethwana kgotsa kotlhao ya tsamaiso e e duelwang ke sekema sa 25 ombud sa bodirelo, go akaretsa le morokotso, ga e a duelwa e bile e ntse e sa duelwa bonnye matsatsi a le 30 morago ga fa e tshwanetse go duelwa.

(2) Khansele ya Ombud e ka phimola kemiso ka nako nngwe le nngwe.

(3) Tshekego e tsengwa mo tirisong ka letlha la kitsiso go ya ka karolotlaleletso (1), kgotsa letlha le kwa moragonyana le tepamisitsweng mo kitsisong. 30

(4) Tshekego ga e ame tlamego ya sekema sa ombud sa bodirelo e se nang le yona go ya ka molao wa lephata la ditshelete, go akaretsa le tlamego ya go begela Khansele ya Ombud morero.

# Kgogelomorago ya kamogelo