Section 210

210. (1) Setheo sa ditshelete se ka se neelane ka tsamaiso epe ya ka fa gare e nang le yona mabapi le go samagana le kgotsa go rarabolola dingongorego tse di dirilweng go sona ke barekedi ba ditshelete jaaka sekema sa ombud, kgotsa motho yo o samaganang le kgotsa yo o rarabololang dingongorego tseo jaaka ombud.

(2) Setheo sa ditshelete se tshwanetse go senolela barekedi ba sona ba ditshelete dikema tsa ombud tse di diriswang, le ka moo go ka ikgolaganngwang le go romela dingongorego go dikema tseo, go tsamaelana le melawana ya khansele ya ombud e e ka rebolwang mabapi le seno.

(3) (a) Setheo sa ditshelete se ka se lope kgotsa laletse morekedi wa ditshelete go ngongoregela go—

(i) ombud, ntle le fa motho yo o neetsweng maikarabelo a tiro eno e le karolo ya sekema sa ombud sa bodirelo se se amogetsweng kgotsa sekema sa ombud sa semolao; kgotsa

(ii) sekema sa ombud, ntle le fa sekema sa ombud se se amegang e le sekema sa ombud sa bodirelo se se amogetsweng kgotsa sekema sa ombud sa semolao.

(b) Tlhokego kgotsa taletso e e farologaneng le temana (a) ga e amogelesege.

(4) Sekema sa ombud se ka se itlhalose kgotsa se itseele gore ke sekema sa ombud sa bodirelo se se amogetsweng go ya ka Karolo eno ntle le fa se amogetswe jalo.

(5) Sekema sa ombud se ka se letle motho yo mongwe go se supa jaaka sekema sa ombud sa bodirelo se se amogetsweng go ya ka Karolo eno, ntle le fa se amogetswe jalo.

(6) Mabapi le maitlhomo a dikarolotlaleletso (3), (4) le (5), sekema sa ombud se kamogelo ya sona e sekegilweng kgotsa e phimotsweng ga se amogelesege.

## Dikema tsa ombud tse di diriswang