Section 234

234. (1) Mo ditsamaisong tsa kopo e e mabapi le tshekatshekogape ya tshwetso, Lekgotla le ka, ka taelo—

(a) beela tshwetso kwa thoko le go romela morero kwa mothing yo o tsayang tshwetso gore o sekasekwe go ya pele;

(b) mabapi le tshwetso ya mefuta e e latelang, dira gape taelo e e beelang kwa thoko tshwetso le go emisetsa tshwetso ya Lekgotla:

(i) Tshwetso go ya ka Kgaolo 13;

(ii) tshwetso e e kailweng mo temaneng (b) kgotsa (c) ya tlhaloso ya “tshwetso” mo karolong 218; le

(iii) tshwetso ya mofuta o o rileng e e neetsweng ke melawana mabapi, le maitlhomo a karolo eno; kgotsa

(c) se amogele kopo.

(2) Lekgotla le ka, mo mabakeng a a kgethegileng, dira taelo ya gore moamegi mo ditsamaisong tsa kopo mabapi le tshekatshekogape ya tshwetso duelela bontlhabongwe 15 jwa ditshenyegelo kgotsa ditshenyegelo tsotlhe tse di bonweng ka mabaka le ka tshiamo ke moamegi yo mongwe mabapi le ditsamaiso.

(3) Dikarolotlaleletso (1) le (2) di go ya ka kabelo nngwe le nngwe ya molao wa lephata la ditshelete e e sa akaretseng, thibeleng kgotsa tlhaoleng ditaelo tse di ka dirwang ke Lekgotla mo ditsamaisong mabapi le tshekatshekogape ya tshwetso.

(4) Lekgotla le ka, ka taelo, kgapela kwa thoko ka tshosobanyo kopo mabapi le tshekatshekogape ya tshwetso fa kopo e le ya lefela, thumulano kgotsa e e seng botlhokwa.

(5) Karolo eno ga e ame tshwanelo nngwe le nngwe e motho a ka tswang a na le yona.

# Tshekatsheko ya katlholo ya ditaelo tsa Lekgotla