Section 240

240. (1) Karolo 1 ya Kgaolo 7, ntle le karolo 100, e diriswa le diphetogo tse di tlhokegang, mo kamogelong ya tekanyetsokabo, ditekanyetso tsa ditshenyegelo gape le ditshitsinyo tsa dituelo le makgethwana jaaka di tlametswe mo karolong 239.

(2) Dikwalo tse di tshwanetseng go phasalatswa ka fa tlase ga karolo 98 di akaretsa—

(a) tekanyetsokabo, tekanyetso ya ditshenyegelo le ditshitsinyo tsa dituelo le makgethwana tse di tlametsweng mo karolong 239 mabapi le ngwaga wa ditshelete o o maleba; le

(b) tlhaloso ka mokgatlho wa lephata la ditshelete ya tekanyetsokabo, tekanyetso ya ditshenyegelo le ditshitsinyo tsa dituelo le makgethwana, le ya phapaano ya tekanyetsokabo, tekanyetso ya ditshenyegelo le ditshitsinyo tsa dituelo le makgethwana kgatlhanong le tekanyetsokabo, tekanyetso ya ditshenyegelo le ditshitsinyo tsa dituelo le makgethwana tse di amogetsweng mabapi le ngwagatlola wa ditshelete.

## Ditlhomamiso tsa tshedimosetso e e tlhokegang mabapi le tshekatsheko ya lekgethwana