Section 266

266. (1) Motho yo o tlolang karolo 111(1), (2), (3), (4) kgotsa (5) o tlola molao e bile fa a bonwe molato o tshwanetswe ke kotlhao ya tuediso e e sa feteng R15 000 000 kgotsa go tswalelwa kwa kgolegelong sebaka se sa feteng dingwaga tse 10, kgotsa go duediswa le go tshwarwa goo ka bobedi.

(2) Moabelwalaesense yo o tlolang karolo 117 o tlola molao e bile fa a bonwe molato o tshwanetswe ke kotlhao ya tuediso e e sa feteng R5 000.

(3) Moabelwalaesense yo o tlolang karolo 127 o tlola molao e bile fa a bonwe molato o tshwanetswe ke kotlhao ya tuediso e e sa feteng R50 000.

# Dikopo tsa tshedimosetso, tlhatlhobo ya botlhokomedi kwa tirong le dipatlisiso 10

267. (1) Setheo se se tlhokometsweng se se tlolang karolo 131(1)(b) se tlola molao e bile fa se bonwe molato se tshwanetswe ke kotlhao ya tuediso e e sa feteng R1 000 mabapi le letsatsi lengwe le lengwe leo tlolomolao e tswelelang ka lona.

(2) Setheo se se tlhokometsweng se se kgotsa motho yo o tlolang dikarolo 132(4)(a)(iii) o tlola molao e bile fa a bonwe molato o tshwanetswe ke kotlhao ya tuediso e e sa feteng R5 000 000.

(3) Fa—

(a) bolaodi jwa lephata bo naya setheo se se tlhokometsweng taelo go ya ka karolo 132(4)(a)(iii); le

(b) ntle le lebaka le le utlwalang, lokwalo la kgwebo le taelo e amanang nalo le 20 tloswa mo lefelong, kgotsa le fitlhiwa, kgotsa le senngwa kgotsa ka mokgwa mongwe le kgoreletsswa, ka pharologano go taelo,

setheo se se tlhokometsweng kgotsa motho yo o neilweng taelo o tlola molao e bile o tshwanetse ka go bonwa molato ke kotlhao ya tuediso e e sa feteng R2 500 000.

(4) Motho yo o tlolang karolo 133 o tlola molao e bile fa a bonwe molato o 25 tshwanetswe ke kotlhao ya tuediso e e sa feteng R1 000 000 kgotsa go tlhatlhelwa kwa kgolegelong sebaka se se sa feteng dikgwedi tse 12, kgotsa ka bobedi tuediso kgotsa tswalelo kwa kgolegelong.

(5) Motho yo o tlolang karolo 139 o tlola molao e bile fa a bonwe molato o tshwanetswe ke kotlhao ya tuediso e e sa feteng R5 000 000 kgotsa go tlhatlhelwa kwa kgolegelong sebaka se se sa feteng dingwaga tse pedi, kgotsa ka bobedi tuediso kgotsa tswalelo kwa kgolegelong.

# Kgatelelo