Section 279

279. (1) Molaodi wa lephata la ditshelete o ka, ka lebaka le le utlwalang, katolosa paka nngwe le nngwe ya go ikamanya le, kgotsa paka e e neetsweng ke, kabelo ya molao wa lephata la ditshelete, ntle le kabelo e molaodi wa lephata la ditshelete a tshwanetseng go ikamanya le yona.

(2) Molaodi wa lephata la ditshelete o ka dumelela katoloso go ya ka karolotlaleletso (1) go feta gangwe, o ka dira jalo pele ga kgotsa morago ga nako ya ikamanyo e sena go feta kgotsa paka e e neetsweng e sena go fela.

25

Mabaka a dilaesense

280. (1) Laesense e ka abelwa go ya ka mabaka a a tsepamisitsweng mo laesenseng kgotsa mo kitsisong ya kabelo kgotsa thebolo ya laesense e e neetsweng moabelwalaesense.

(2) Tshekego, phimolo kgotsa phediso ya laesense go ya ka molao wa lephata la ditshelete e ka nna go ya ka mabaka a a tsepamisitsweng mo kitsisong ya tshekego, phimolo kgotsa phediso e e neilweng moabelwalaesense.

(3) Tlolo ya lebaka go ya ka karolotlaleletso (2) ga e ame kemiso, phimolo kgotsa phediso ya laesense.

(4) Mo karolong eno, kaelo go laesense e tshwanetse go tseelwa gore e akaretsa kaelo go tumelelo, tumalano, thebolo kgotsa tetlelelo ya mofuta mongwe le mongwe go ya ka molao wa lephata la ditshelete.

Dikgololo