Section 36

36. (1) Mmusisi o tshwanetse, ka tumalano le Tona, go thapa Motlatsammusisi yo o leng moitseanape mo lephateng la ditshelete, ntle le Motlatsammusisi yo o rwalang maikarabelo a tlhomamo ya ditshelete, jaaka Motlhankedimogolo wa Khuduthamaga wa Bothati jwa Tlhokomelo.

(2) Fa go thapiwa Motlatsammusisi jaaka Motlhankedimogolo wa Khuduthamaga, Motlatsammusisi yoo le Mmusisi ba tshwanetse go dumalana, ka go kwala, ka—

(a) ditekanyetsotiro tse di tshwanetseng go diriswa go lekanyetsa tiro ya Motlatsammusisi jaaka Motlhankedimogolo wa Khuduthamaga; le

(b) boemo jwa tiro jo bo tshwanetseng go fitlhelelwa kgatlhanong le ditekanyetsotiro tseo.

(3) Motho a ka se thapiwe kgotsa go tshwara maemo a Motlhankedimogolo wa Khuduthamaga fa motho—

(a) e le motho yo o ileditsweng; kgotsa

(b) e se moagi wa tlholego wa Rephaboliki.

## Botsayakarolo jwa Motlhankedimogolo wa Khuduthamaga