Section 61

61. (1) Tona o tshwanetse go thapa motho yo o nang le boitseanape jo bo maleba mo lephateng la ditshelete jaaka Khomisenara wa Bothati jwa Boitshvaro jwa Lephata la Ditshelete.

(2) Tona o tshwanetse go thapa bonnye batho ba le babedi, mme e seng go feta ba le bane, ba ba nang le boitseanape jo bo maleba mo lephateng la ditshelete jaaka Batlatsakhominenara.

(3) Khomisenara le Batlatsakhominenara ba dira mo maemong a nako e tletseng a khuduthamaga.

(4) Kgato ya go tlhopha batho ba ba tla thapiwang jaaka Khomisenara kgotsa batlatsakhomisenara e ka kaelwa ka Molawana.

(5) (a) Khomisenara o ka thapa Motlatsakhomisenara go tshwara marapo nakwana 20

jaaka Khomisenara fa Khomisenara a seyo mo ofising.

(b) Fa Khomisenara a sa kgone go thapa Khomisenara wa nama-o-tshwere go ya ka temana (a), kgotsa fa go na le phatlhatiro mo ofising ya Khomisenara, Tona o ka thapa Motlatsakhomisenara go tshwara marapo nakwana jaaka Khomisenara ka nako e Khomisenara a seng teng kgotsa go fithela go thapiwa Khomisenara.

(6) Motho a ka se thapiwe, kgotsa go nna go nna mo tirong jaaka, Khomisenara kgotsa Motlatsakhomisenara fa motho

(a) a ileditswe; kgotsa

(b) e se moagi wa Rephaboliki ka tlhago.

(7) Fa a thapa Khomisenara kgotsa Motlatsakhomisenara, Tona le motho yo o thapilweng ba tshwanetse go dumalana, ka go kwala, ka—

(a) ditekanyetsotiro tse di tshwanetseng go diriswa go lekanyetsa tiro ya motho yoo; le

(b) boemo jwa tiro jo bo tshwanetseng go fithelelwa kgatlhanong le ditekanyetsotseo.

# Botsayakarolo jwa Khomisenara le Batlatsakhominenara