Section 73

73. (1) Bothati jwa Boitshwaro jwa Lephata la Ditshelete bo ka, go tsamaelana le molao o o maleba— 5

(a) mabapi le tiro ya Bothati jwa Boitshwaro jwa Lephata la Ditshelete—

(i) thapa batho jaaka badiri;

(ii) tsena mo thulaganyong ya kadimisano; kgotsa

(iii) rerisana le batho ka ga konteraka fela e seng jaaka bathapiwa;

(b) tsena mo dikonterakeng; 10

(c) fitlhelela le go fetisa thoto;

(d) inšora kgatlhanong le tatlhegelo, tshenyego, dikotsi kgotsa molato e bo ka e itemogelang kgotsa ya nna ka fa tlase ga yona; le

(e) dira sengwe le sengwe se se tlhokegang go dira ditiro tsa jona.

(2) Bothati jwa Boitshwaro jwa Lephata la Ditshelete bo ka se tsene mo thulaganyong 15 ya kadimisano mabapi le motho, kgotsa go rerisana le batho jaaka bathapiwa kgotsa mo konterakeng, fa fela motho yoo le Bothati ba dumalane ka go kwala ka—

(a) ditekanyetsotiro tse di tshwanetseng go diriswa go tlhatlhoba tiro ya motho yoo; le

(b) boemo jwa tiro jo bo tshwanetseng go fitlhelela wa kgatlhanong le ditekanyetso 20 tseo.

## Ditiro tsa maloko a badirimmogo