Section 93

93. (1) Pele molaodi wa lephata la ditshelete a tlhomamisa kgotsa tlhabolola tsamaiso ya tiro ya tsamaiso go ya ka karolo 92, bolaodi jwa lephata la ditshelete bo tshwanetse go—

(a) phasalatsa mo webesaeteng ya jona—

(i) thalo ya tsamaiso kgotsa tlhabololo e e tshitsintsweng; le

(ii) kitsiso e e laletsang tshwaelo e e kwetsweng ya setshaba mo pakeng e e neetsweng mo kitsisong, eo e tshwanetseng go nna bonnye matsatsi a le 30 go simolola ka letsatsi la phasalatso ya kitsiso;

(b) gorosa thalo ya tsamaiso kgotsa tlhabololo e e tshitsintsweng go Mokaedika-karetso le molaodi yo mongwe jwa lephata la ditshelete; le

(c) sekaseka ditshwaelo dingwe le dingwe tse di amogetsweng.

(2) Fa bolaodi jwa lephata la ditshelete bo ikaelela go dira tsamaiso kgotsa tlhabololo ka mokgwa o o farologaneng go tswa go tsamaiso e e thadilweng kgotsa tlhabololo e e phasaladitsweng go ya ka karolotlaleletso (1), molaodi o tshwanetse, pele a dira tsamaiso kgotsa tlhabololo, go boeletsa dikgato tse di kailweng mo karolotlaleletsong (1).

## Thadiso ya ditsamaiso tsa kgato ya tsamaiso